博客

【有片】施治解圍大撻!MK首演槍手不敵天鵝

作者:JessicaJessee 时间:2019-03-29 12:53:08 標籤: 分類:

即睇全場精華:http://bit.ly/2nsbtdy 

A山去曼聯首仗大勝而回,MK過檔阿仙奴首演又點呢?結果係好核突地輸!周三凌晨的英超周中快車焦點賽事,阿仙奴作客1比3不敵榜末球隊「天鵝」史雲斯,槍手門將施治解圍大撻送禮孭晒鑊,MK下半場入替幫唔到手,睇住球隊輸波勁無奈!

阿仙奴開局有個好開始,33分鐘蒙利爾左路接應奧斯爾過頭波,後上入禁區快射破網,槍手領先1比0,不過領先優勢僅維持1分鐘,森姆克魯卡斯接應艾菲莫臣直線突破阿仙奴防線,面對門將施治輕鬆射入追成1比1。

與曼聯交換阿歷斯山齊士來投的米希達利恩於下半場60分鐘後備上陣,可惜佢生不逢時,波都未掂過阿仙奴就失波,61分鐘,入波功臣蒙利爾後場左路掟界外球,梅斯達菲回傳予門將施治,在佐敦阿休上前逼搶之下,施治門前解圍竟然「撻大Q」,佐敦阿休立即送球入網為史雲斯反超前2比1。

輸完呢個「恐怖級」失誤,往後時間阿仙奴上前狂攻,但後防繼續蝦碌,71分鐘梅斯達菲另一次頭槌回傳造就尼敦戴亞單刀,可惜貼柱出界,MK仔於73分鐘曾有追和機會,可惜近門頭槌頂得太正被對方門將沒收,75分鐘換入傳聞即將離隊嘅基奧特,但都無法追和。

阿仙奴防線去到86分鐘又出事,佐敦阿休力壓梅斯達菲右路落底傳中,森姆克魯卡斯撞射破網成3比1奠勝,史雲斯繼擊敗利物浦後再贏阿仙奴,全取3分後升上17位,阿仙奴則仍居第6。

即上英超刨績王:http://win.on.cc/epl 

東網體育同你追實體壇每個精彩時刻!
http://bit.ly/2ecTF2A 


本文來源:http://hk.on.cc/hk/bkn/cnt/sport/20180131/bkn-20180131053603202-0131_00882_001.html

©本模板www.86-cn.com設計,了解更多請關注隱私保護